Yr Ystafell Ymgynnull

Yr Ystafell Ymgynnull odidog yw ystafell fwyaf Neuadd y Ddinas, gyda lle i hyd at 500 o westeion ar gyfer cinio neu gynulleidfa o 600 ar gyfer cynhadledd.

Mae’r nenfwd addurnol hardd yn wledd i’r llygad ym mhob math o ddigwyddiad, ond gallwch hefyd gynnal cyflwyniadau sy’n defnyddio’r dechnoleg ddiweddaraf yn yr Ystafell Ymgynnull.   Mae llwyfan yno ac mae’n ddigon hawdd trefnu llwyfannau, goleuadau, setiau a systemau arddangos ychwanegol ar gyfer yr ystafell fawr hon. Felly mae’r Ystafell Ymgynnull yn lleoliad hyblyg iawn, boed ar gyfer cinio gala, seremoni wobrwyo neu gynhadledd sy’n defnyddio technoleg o’r radd flaenaf. Rydych chi’n cyrraedd yr Ystafell Ymgynnull drwy’r Neuadd Farmor drawiadol, felly defnyddir yr ystafell hon yn aml i gynnig lluniaeth, diodydd cyn cinio neu ar gyfer arddangosiadau.

Mae’r lleoliad wedi croesawu amrywiaeth o gynadleddau rhyngwladol a digwyddiadau proffil uchel yn y blynyddoedd diwethaf, gan gynnwys gweithdai meddalwedd rhyngwladol, Cyfarfodydd y Cyngor Ewropeaidd ac yn ddiweddar, cafodd ei ddefnyddio fel Pencadlys Rali Cymru Prydain Fawr.